5ª  CONVOCATORIA D'AYUDES ECONOMIQUES DIRIXIES A FINANCIAR PROYECTOS SOCIALES

OXETU:

La convocatoria presente tien por oxetu la concesión d’ayudes económiques, en réxime de concurrencia competitiva, a asociaciones y entidaes ensin ánimu d’arrequecimientu llegalmente constituíes como tamién a colectivos de ciudadanos que persigan fines d’interés social, pa destinase al desarrollu de programes que busquen construir una sociedá más xusta, igualitaria y democrática y sean acordes col ideariu de Somos Uviéu, disponiendo pa ello, d’un  importe de 3000€, procedente del remanente salarial que n’aplicación de la limitación salarial de tres veces el salariu mínimu profesional suscritu nel Códigu Éticu, procede de los cargos públicos electos de la CUP Somos Uviéu y de les distintes persones que se contrataron dende’l Grupu Municipal pa ofrecer los sos servicios como personal eventual del mesmu.al eventual del mismo. Nesta esta convocatoria se prevé financiar al menos dos proyectos.


RÉXIMEN REGULADOR:

El réxime regulador de la concesión d’estes ayudes ye l’establecío nes Bases Reguladores de la concesión d’ayudes económiques dirixíos a financiar proyectos sociales de fecha 25 de mayu de 2015, que s’atopen disponibles nun enllaz a la fin d’esti testu.


PROYECTOS:

Considérense proyectos a apoyar al amparu d’esta convocatoria los que s’enmarquen en dalguna/s de les áries prioritaries que se detallen na Base Tercera de les Bases Reguladores precitaes, onde s’atopen arte, cultura, educación, igualdá, inclusión social, salú - deporte, mediu ambiente, difusión de pensamientu críticu y compromiso social. Estos proyectos van valorase conforme a lo dispuesto en la Base Undécima, de fecho que la Comisión de Voluntariau determinará la cuantía concedia.


REQUISITOS PA PARTICIPAR:

Pa concurrir a esta convocatoria, les asociaciones y entidaes ensin ánimu d’arrequecimientu llegalmente constituíes como tamién los colectivos de ciudadanía que persigan fines d’interés social han reunir los requisitos señalaos na Base Octava de les Bases Reguladores reiteraes.


PRESENTACIÓN DE SOLICITÚES:

El plazu de presentación de solicitúes ye hasta’l 30 de payares de 2018.

La presentación de les solicitúes va facese per corréu electrónicu a la dirección siguiente: faciendociuda@gmail.com

Les solicitúes van formalizase axustaes al modelu de solicitú que ta disponible nun enllaz a la fin d’esti testu.


El formulariu de solicitú acompañase de la documentación siguiente:

  1. Una descripción esplicativa del programa o proyectu que se presenta. Incluyendo un resume de tres llínies del proyectu pa incluyir na papeleta en casu de ser escoyíu.

  2. El presupuestu detalláu del programa o proyectu.

  3. Un vídeu o semeya del proyectu.

  4. Una declaración de les ayudes o subvenciones que, nel so casu, se percibieran de cualesquiera otros entes, públicos o privaos, pa financiar el proyectu, como también l’importe.

Cuando se trate de entidades sin ánimo de lucro legalmente constituidas, se requerirá, asimismo:

  1. Acreditación de la representación o poder llegal de la entidá solicitante.

  2. Fotocopia de los estatutos constitutivos debidamente rexistraos.

  3. Fotocopia de la tarxeta d’identificación fiscal.


VOTACIÓN:

 

L os proyectos preseleccionaos pola Comisión de Valoración van tar disponibles na web  www.somosuvieu.info y van sometese a votación del conxuntu de la ciudadanía.

El sistema de votación va ser presencial con una urna física que va tar disponible na Plaza del Conceyu d’Uviéu’l  domingu 16 de avientu de 12:30h a 14:30 hores , pudiendo participar toa persona que tea interesada.

Con carácter previu a la votación, van esponese los proyectos preseleccionaos cola participación de la persona que represente a la entidá o colectivu que los presentara.

Va escoyese aquel proyectu qu’obtenga’l mayor númeru de votos.


FORMULARIO DE SOLICITUD EN CASTELLANO